بحث هذه المدونة الإلكترونية

السبت، 6 سبتمبر 2014

الصحفية حنان عمر: 5 حاجات بحبها في شغلي

ربما يبدوا غريبا ان نقول أن الصحفيين في مصر يعملون في صمت، فأصل عملهم "العلانية"، لكن يمكن ان نقول ان صحفيات مصر يعملن في صمت، يحققن الكثير بكتابتهن والقضايا التي يدافعن عنها، ويعملن في ظروف غاية في الصعوبة تجعل من الصحافة مهنة المتاعب المضاعفة لاي صحفية مصرية، ولذلك قررن هنا على مدونة أنا حرة، ان نقدم لهن دعما بسيطا، بان نتيح لهن مساحة للتواجد والحكي عن أنفسهن وطموحهن ومشكلاتهن وكيف يتغلبن عليها في صراع يومي لانتاج تقارير جيدة.

الصحفية الثانية في مبادرة 100 صحفية وصحفية هي حنان عمر خريجة كلية إعلام القاهرة قسم الإذاعة والتليفزيون عام 2013، حاليا هي صحفية حرة ومسئولة موقع مؤسسة المرأة الجديدة، خبرتها الصحفية ليست واسعة لكنها مليئة بالطموح والشغف بعملها، وفي نفس الوقت هي نموذج مثالي على كيف يحدد الصحفي هدفه ويضع يده على ميوله والتخصص الذي يرغب في التفوق فيه على الاقل في البداية.

حنان في حوارها القصير مع مدونة أنا حرة، قدمت لنا معلومات كتير عن نفسها وعملها، ورؤيتها لمستقبلها.

أنا حنان مسئولة موقع المرأة الجديدة، قبل كده قدمت في صحف كتير، اللي بشتغله دلوقتي مش بعيد عن الصحافة لكنه متخصص في حقوق المرأة، وبنزل اغطي مؤتمرات لعاملات او سيدات معنفات.

اصلا كان نفسي اشتغل في اقسام زي الثقافة، حقوق الانسان، الاطفال، وعملي الحالي قريب ومتعلق بحقوق المرأة.

أنا بفتخر بموضوعات كتير كتبتها، زي مثلا  تقرير "ضحايا قانون التظاهر في مصر" واتنشر في موقع رصيف 22، واضراب عاملات الغزل والنسيج كنت الصحفية الوحيدة اللي غطت الإضراب.

دلوقتي كصحفية متخصصة في شئون المرأة ومسئولة عن موقع سياسته الدفاع عن قضايا المرأة بشكل عام، بشوف أن الصحافة غافلة عن قضايا العاملات خصوصا اللي تحت خط الفقر، والخادمات، في حين ان موضوع التحرش "اتهرى"، هم شايفين ان فيه موضوعات أهم من النساء الفقيرات اللي في مستوى أجتماعي بسيط.

أنا كصحفية لو عندي فرصة اسخر حياتي المهنية لقضية واحدة هتكون "جرائم الشرف"، ومحاولة المساعدة في تأهيل البنات خاصة المراهقات وانهم يبلغوا عن اي حاجة بتحصل لهم.

مش بستلطف اوي أن الناس تقولي "اكتب ايه" او يقترحوا أفكار، انا بحب اكتب الموضوعات اللي أنا عايزاها، لكن طبعا عايزاهم يساعدوني في انهم يبعتوا لي اي فرص تدريبية أو منح خصوصا إني عايزة أطور مهاراتي في التصوير الفوتوغرافي وتصوير الفيديو والكتابة واللغات.

دلوقتي أتغلبت على صعوبات كانت بتواجهني وقت الدراسة في الكلية، زي مثلا السفر، قبلك كده مكنتش اقدر اسافر، لكن دلوقتي الوضع اختلف واقدر اسافر واعمل موضوعات للموقع واغطي مظاهرات واعتصامات..

بعد حياة مهنية طويلة، أحب الناس تقول عني حاجات كتير، زي مثلا (مكنتش منحازة، حرة بتكتب اللي هي عايزاه، عندي رؤية وفكر وساعدت في نقلهم للناس)..

فكرت لو هسيب شغلي في المرأة الجديدة هجرب حاجة في مجالي الأصلي "إذاعة وتليفزيون" لكن بشكل عام انا شايفة ان اي حد لازم يكون له دور في المجتمع المدني.

أخيرا، أكتر 5 حاجات بحبهم في شغلي دلوقتي:
* نقل قضايا المرأة
*  التصوير والترجمة
* التعامل اليومي مع الناس
* الاطلاع على المواثيق  والبروتوكولات والاتفاقيات الدولية
* بحب في شغلي إني بشتغل

ممكن تتواصلوا معايا على الفيس بوك هنا 
او ع الايميل hananomar275@gmail.com
او ع تويتر @Hananomar_92

وطبعا ضروري تتابعوا شغلي في موقع المرأة الجديدة،  وقريب هاعمل مدونة علشان انشر فيها كل شغلي

اقرأ ايضا: بسنت زين الدين: عايزة الناس تقول عني الصحفية دي "فتحت دماغنا"

هناك 4 تعليقات:

  1. جميله .. بالتوفيييق :)

    ردحذف
  2. شركة ميكس سيوجي للحلول التسويقية وخدمات الويب المتكاملة
    تقدم عرض خاص جداً
    أحصل الان على استشارة تسويقية مجاناً
    واحصل على تنفيذ خطة تسويقية متكاملة بخصم يصل الى 50%

    احصل الان على العرض من شركة ميكس سيوجي للتسويق الالكتروني
    شركة ميكس سيوجي للتسويق الالكتروني

    ردحذف
  3. .انضم إلى eToro وقُد ثورة التكنولوجيا المالية

    انضم إلى مسيرة النجاح اتصل بأكثر من 4 ملايين متداول ومستثمر من 170 دولة

    ردحذف