بحث هذه المدونة الإلكترونية

الأحد، 11 نوفمبر، 2012

خطوات بسيطة لنجاح مشروعك


بداية المشروع من أكتر العوامل المؤثرة في نجاحه ..عندك فكرة ايه الإجراءات اللى المفروض الـ Freelancer يعملها عند إستلام مشروع جديد؟ 

هنعرض دلوقتي بعض الإجراءات المبدئية اللى ممكن تساعد في نجاح المشروع 

* افهم ايه المطلوب وايه إحتياجات المشروع كويس، لو في أي تفاصيل غامضة ومش مفهومة ما تتكسفش تسأل عشان في النهاية الشغل اللى هتعمله هيأثر في سمعتك وصورتك أمام العميل.

* وضح للعميل اللى هتقدر تقدمه بالتحديد وطريقة تنفيذ المشروع والمدة الزمنية اللى هتحتاجها عشان تسلمه والتكلفة المطلوبة

* مهم للعميل انه يشوف نماذج من شغلك القديم عشان يبقى عنده فكرة عن شغلك وأفكارك، بس خلي بالك النماذج اللى هتقدمها دي لازم تكون ليها علاقة بالمشروع المطلوب تنفيذه وتكون أفضل أعمالك في جودتها.. الكيف أهم من الكم في الحالة دي.

* خد بالك الأعمال اللى هترسلها للعميل لازم يكون عليها watermark أو أي وسيلة تانية تحدد هوية شغلك وتحفظ لك حقوقك الملكية

* حدد المقابل المادي المناسب لشغلك ومش ضروري تقلله عشان تضمن الحصول على الوظيفة، لما الشغل بيكون كويس العميل بيكون مستعد يدفع سعر أعلى من العادي، بس لو انت لسة جديد في الـfreelancing ومحتاج تعمل لنفسك سمعة طيبة بين الشركات الأول فممكن في الحالة دي تضحي بالمقابل الأعلى في سبيل الحصول على الوظيفة.

* الثقة في نفسك وفي مهاراتك المبالغ فيها بتقلل منك مش بتزيدك، لو بقيت صريح وأمين في وصف إمكانياتك وقدراتك هتكسب أكتر من لو قلت حاجة مختلفة عن الحقيقة. (هذا الموضوع وما سيليه عن ريادة الأعمال نقلا عن صفحة IMIDOS على الفيس بوك)


أقرأ أيضاً:
يعني ايه Freelancer ؟

كيف تستفيد من الـ Social Media لخدمة مشروعك؟

ليست هناك تعليقات:

إرسال تعليق