بحث هذه المدونة الإلكترونية

الجمعة، 9 نوفمبر، 2012

4 مشاكل بتواجه أصحاب الاعمال الحُرة


* الحافز
مع الروتين اليومى واحساسك أن كل يوم شبهة التانى..الحافز بتاعك علشان تشتغل وتبدع بيقل تدريجيا.. وقتها الشغل بيكون تقيل جدا عليك، وبتحس بالزهق والتعب باستمرار من الشغل اللى كنت قبل كده بتعمله وأنت مستمتع.

والحل؟
الحلم..الحلم هو الحل، فى مكان واضح فى مكتبك أو فى المكان اللى بتشتغل فيه علق ورقة مكتوب عليها حلمك..لو بتحلم بمكان أفضل تشتغل فيه..أرسمه وعلقة.. لو بتحلم بشركة خاصة بيك، أكتب اسمها وخليه قصاد عينك وكل فترة علق حلم جديد وأصنع الحافز الخاص بك بنفسك.

* الالهام والابداع
مع ضغط الشغل وdeadlines ومشاكل الشغل كل يوم بتلاقى نفسك مش قادر تفكر بطريقة إبداعية زى ما أنت متعود، والنتيجة إن الشغل بيخلص مش بنفس الكفاءة والعميل بيكون غير راضى عن النتيجة وبالتالى مش هيطلب منك شغل تانى.

والحل؟
خد ولو نص ساعة اتمشى فيها بعيد عن الشغل.. تفصل فيها وتستمتع وانت بتتمشى فى مكان بتحبه، أى تغير ولو بسيط فى روتينك اليومى هيخليك أكثر استعداداً للتفكير فى العمل بشكل إبداعى وتشتغل وأنت مستمتع وبالتالى تطلع بأفضل نتائج.

* مفيش شغل
فجأة وبدون مقدمات مفيش عملاء بيطلبوا منك شغل والدنيا كلها وقفت.

والحل؟
قبل ما تقع فى المشكلة دى ولما يكون فى وقت عندك أكتر من مشروع شغال عليه.. أعمل حسابك على إدخار جزء من الدخل لوقت ممكن الشغل يقف فيه، وبالشكل ده مش هتكون مضغوط بشكل كبير.

أبدأ اشتغل على موقعك الخاص وركز على السوشيال ميديا..تابع العملاء المحتملين وبمجرد إعلانهم عن أى فرصة تناسبك أبعت فوراً.. تابع عملائك السابقين وخليك دايما على اتصال بيهم.

* الثقة 
لو أتكرر أكتر من مرة أن العميل يعدل على شغلك أو يطلب منك تعيد الشغل بطريقة مختلفة وقتها ممكن تبتدى تشكك فى قدراتك وثقتك بموهبتك وشغلك تتهز، وفى كل مرة تخلص فيها مشروع تسأل نفسك "يا ترى شغلى كويس كفاية؟" "يا ترى أنا صح ولا غلط؟".

والحل؟
أول حاجة لازم تكون مقتنع بها إن مفيش عمل كامل.، مفيش حاجة هترضى كل الناس وطبيعى إن يكون فى رفض أو قبول..لازم تتوقع الاتنين بنفس النسبة.. جرب تشوف فوائد الرفض..وتتعلم كل مرة حاجة جديدة مع كل انتقاد لعملك.

ولما تحس ان ثقتك بدأت تتهز..اعمل بحث على الانترنت عن Apple، Microsoft، Nokia وكل الشركات الكبيرة وشوف حجم الانتقادات اللى بتوجه لكل شركة.. فكر ان انتقاد شغلك معناة انك بتعمل حاجة مهمة والعملاء والناس متوقعين إنك تطلع حاجة perfect.

هذا الموضوع وما سيليه عن ريادة الأعمال نقلا عن صفحة IMIDOS على الفيس بوك.. هنا


أقرأ أيضاً:
أزاى تتخطى صعوبات أول سنة في العمل الحر؟

كيف تستفيد من الـ Social Media لخدمة مشروعك؟

عايز تبدأ مشروع جديد؟.. فكر بره الصندوق

ليست هناك تعليقات:

إرسال تعليق