بحث هذه المدونة الإلكترونية

الثلاثاء، 30 أكتوبر، 2012

كيف تستفيد من الـ Social Media لخدمة مشروعك؟


في 10 نقط محتاج تعرفهم عن الـ Social Media تحقق الإستفادة القصوى منه في شغلك

* ماينفعش تتعامل مع الـSocial Media بإعتبارها حاجة واحدة ، يعني طريقة التعامل والإستفادة من LinkedIn غير الـ Facebook ، والفيسبوك نفسه غير الـ Twitter وتويتر غير Google+

* بناء الثقة بينك وبين العميل عن الطريق الـsocial media بياخد وقت زيه زي أي علاقة بين أصحابك مثلا .. وده طبيعي لأن الإعلام الإجتماعي في النهاية وسيلة 

* حاول توصل لكل التجمعات اللى ليها علاقة بشغلك من خلال شبكات التواصل/الإعلام الإجتماعي ، وتشوف أي نوع منهم ينفع مع مشروعك أكتر من التاني

* ضروري تستخدم LinkedIn لأنه هيفيدك في شغلك بشكل مباشر وتقدر من خلاله تعمل مدونة خاصة بشغلك وتربطها بالـFacebook وTwitter و Google+

* مهم تشترك في groups في كل الشبكات الإجتماعية الخاصة بيك لانها هتفيدك في زيادة عدد متابعينك

* مشاركاتك وكلامك عن مشروعك لازم يكون حقيقي ومعبر بصدق عن المشروع، لو كلامك مش صادق مش هتستمر كتير على فكرة.

* وارد جداً إن عميل يختلف معاك في الرأي على تويتر، لازم تتعامل مع الموضوع ده بحكمة وتعرف انه شئ طبيعي وتتوقعه طالما بتتعامل مع إعلام "إجتماعي" مش إعلام تقليدي زي التليفزيون او الجريدة.

أحسن حاجة تعملها في الحالة دي إنه يكون عندك حكمة في التعامل مع الإختلاف والتعليقات السلبية وترد بأسلوب كويسة، الطريقة دي هتخلي اللى متعاطف معاك ومهتم بمشروعك ممكن هو اللى يدعمك ويدافع عنك

* لو هتعمل schedule لتغريداتك (تويتاتك) فلازم تعرف إن تحديد الوقت المناسب للتويتة هو أهم شئ، حياة التويتة بتكون ساعة واحدة فإعمل جدول لأوقات مختلفة خلال اليوم وخلي مشاركاتك متناسقة وليها معنى.. برنامج Hootsuite ممكن يسهل عليك الموضوع

* بعد ما حساب المشروع على تويتر وفيسبوك يتعرف هيبقى عليك مسئولية انك تاخد بالك من كل كلمة بتقولها، وتركز وتهتم برأي العملاء في المنتج بتاعك وممكن كمان توصل لأفكار جديدة تطور بيها المشروع

* أنت محتاج تعرف وتقرأ أكتر عن الإعلام الإجتماعي وإزاي ممكن تستفيد منه في شغلك فى مواقع كتير مفيدة جدا تقدر تتعلم وتتابع منها كل جديد فى الاعلام الاجتماعى زى mashable.com/social-media 

هذا الموضوع وما سيليه عن ريادة الأعمال نقلا عن صفحة IMIDOS على الفيس بوك.. هنا

هناك تعليق واحد:

  1. افضل التقنيات التي تقدمها شركة سوقني تصميم موقع الكتروني علي اعلي مستوي من الخدمات .
    http://www.swaqny.com/Web-Design

    ردحذف