بحث هذه المدونة الإلكترونية

الأربعاء، 31 أكتوبر، 2012

أزاى تتخطى صعوبات أول سنة في العمل الحر؟


أول سنة فى العمل الحر بتكون أصعب سنة.. أزاى تتخطى صعوبات أول سنة كـ Freelancer؟

* جرب.. خليك جرىء، عادة فرص الشغل مش هتيجى لحد بابك خصوصا فى أول سنة..هتحتاج تدور وتقدم نفسك وتقنتص اى فرصة أدامك.

* تابع شغل الناس اللى سبقتك فى مجالك.. أفهم نقط قوتهم ونقط ضعفهم، وأشتغل على نفسك وتفادى كل الاخطاء اللى لاحظتها عند غيرك.

* هتحتاج كارت شخصى، وبلوج او موقع تعرض فيه شغلك وأفكارك، وكمان هتحتاج لايميل يكون خاص بالشغل فقط وتتابعة بصفة دورية.

* السوشيال ميديا كمان ممكن تساعدك كتير؛ مثلا أعمل فولو لشركات أو أشخاص على تويتر ممكن يكونوا عملاء محتملين.. تابع وأفهم طريقة شغلهم، وأستنى أى فرصة علشان تعرض مساعدتك او تبعت سيرتك الذاتية.

* ساعد فى الأعمال الخيرية بشغلك واللى هيكون جزء من سيرتك الذاتية.

* أبتدى فى حاجة خاصة بيك موقع أو صفحة او بلوج تكون مشروع خاص على بيك؛ داه بيديك خبرة خصوصا لو هيكون البلوج بيهتم بآخر أخبار عن مجالك وبيتفتح فيه نقاشات وتعليقات، بالأضافة ان ده بيخللى أسمك مسموع ومعروف للناس فى نفس تخصصك.

* فى أول سنة ممكن تحس بالأحباط..لسه ما حققتش حاجة..غيرك بيشتغل كتير وأنت شغلك أقل.. كل ده طبيعى، المهم أوعى تخلى الأحباط يدخلك..خليك واثق من النجاح وأشتغل أكتر على نفسك وعلى موقعك الخاص.

* خليك مبدع فى شغلك وأبذل مجهود أكبر فى أنك تخرج بأفضل نتيجة للعميل؛ لأن إتمام عملك بشكل احترافى وأبداعى هيخلى العميل يتكلم عنك وعن شغلك وينصح الناس بالتعامل معاك.. لازم العميل يحس إنك عاوز تديلة أكتر ويهمك رضاه.

* درب نفسك على التكيف مع أى وضع.. فى السنة الاولى الفرص مش هتكون كتير ولا هتكون دايما حسب توقعك او أختيارك فلازم تتأقلم على ظروف أى عمل متاح.

هذا الموضوع وما سيليه عن ريادة الأعمال نقلا عن صفحة IMIDOS على الفيس بوك.. هنا

ليست هناك تعليقات:

إرسال تعليق